ژوورا بازرگانی یا ئامەدێ سەرەدانا دهۆكێ كر

ئاڤا نیوز

شاندەكێ ژوورا بازرگانی و پێشەسازی یا ئامەدا باكورێ كورردستانێ گەهشتیە دهۆكێ و دانوستاندن لسەر چەندین ئاریشێن بازرگانی دناڤبەرا هەرێما كوردستانێ و توركیا دا كر.

لێدوانا فەرمی: شوكری جەمیل، سەرۆكێ ژوورا بازرگانی و پێشەسازی یا دهۆكێ ئەڤرۆ د كۆنگرەكێ رۆژنامەڤانی دا بۆ دەزگەهێن میدیای دیاركر: پەیوەندیێن مە دگەل باكورێ كوردستانێ و وەلاتێ توركیا دكەڤنن لەورا ئەڤرۆ مە پێشوازی ل شاندەكێ ژوورا بازرگانی یا ئامەدێ كریە بۆ هندێ دانوستاندن لسەر كۆمەكا بابەتێن گرێدای بازرگانیا دناڤبەرا هەرێما كوردستانێ ب گشتی و پارێزگەها دهۆكێ ب تایبەتی دگەل وەلاتێ توركیا و باكورێ كوردستانێ دا ژ وان ژی بابەتێن گرانبونا بهایێ ڤەگۆهاستنێ، بابەتێ گرانبوونا بهایێ ڤیزا وەلاتێ توركیا لسەر وەلاتیێن هەرێما كوردستانێ و عیراقێ، بابەتێ كەلۆپەلێن ناڤخوی یێن هەرێما كوردستانێ وەكۆ بەرهەمێن ناڤخوی یێن چاندنێ كۆ توركیا مفای ژێ وەربگریت.

زانیاریێن زێدەتر: بابەتێن گەشتیاری و ساخلەمیێ ژی ژ تەوەرێن مە هەردوو لایەیان بوو و مە داخاز كریە كۆ چارەسەری بۆ بهێتە دیتن، مە هزر د پێشەسازیا وەلاتێ توركیا دا كریە كۆ قەستا هەرێما كوردستانێ بكەن تایبەت ڤەبوونا كارگەهێن وەلاتێ توركیا ل دهۆكێ و بابەتێ ترانزێت ژ تەوەرێن مە یێن سەرەكی بۆ كۆ دانوستاندن لسەر هاتیە كرن كۆ دەڤەرەكا پێشەسازی یا سەربەخۆ ل دهۆكێ بهێتە كرن، شاندێ ناڤبری ژی دۆپات كریە دێ كار لسەر وان ئاریشان هێتە كرن یێن دكەڤنە ل هەمبەر پێشەسازی و بازرگانیا هەردوو لایەنان دا.