فالح فەیاز: عێراق بەبێ هەرێمی كوردستان بەهێز نابێت

ئاڤا نیوز

فالح فەیاز، سەرۆکی دەستەی حەشدی شەعبی ڕایگەیاند، عێراق بەبێ هەرێمی کوردستان، نابێتە وڵاتێکی بەهێز و پێگەیشتوو.

لێدوانی فەرمی: سەرۆکی دەستەی حەشدی شەعبی لە چاوپێکەوتنێکی لەگەڵ کەناڵی یوتیڤی ڕایگەیاند: پەسەند نەکردنی یاسای نەوت و غاز لەپەرلەمانی عێراق، پەیوەندی نێوان هەرێمی کوردستان و حکومەتی ناوەندی ئاڵۆز کردووە.

گۆشەیەکی دیکەی دیمەنەکە: هاوپەیمانیی نێودەوڵەتی مەشق و ڕاهێنان بە یەک سەربازی عێراق ناکات و بوونیشیان پێشخستنی تواناکانی سوپای عێراقیان پەکخستووە.

 زانیاریی زیاتر: "زۆرینەی چوارچێوەی هەماهەنگی و بەشێک لە لایەنە کوردی و سونییەکان لەگەڵ کشانەوەی هێزەکانی ئەمریکان لە عێراق. مانەوەی هێزەکانی هاوپەیمانان پەیوەستە بە ئۆپەراسیۆنەکانیان لە سووریا و پارێزگاری لە ئاسایشی ئیسرائیل." فالح فەیاز وای گوتووە.

بۆچی گرنگە: هەرێمی کوردستان لە ساڵی 1991ـەوە دوای ڕاپەڕینی خەڵکی کوردستان وەک هەرێمێکی فیدراڵ و دانپێدانراو دروستبووە، بەڵام ناوبەناو هەندێک گروپی شۆڤێنی بەتایبەت لە دوای ڕووخانی ڕژێمەکەی سەدام حسێن لە ساڵی 2003 دژ بە مانەوەی فیدراڵییەتی هەرێمی کوردستان قسە دەکەن.