خامنەیی: دانووستاندن لەگەڵ ئەمریکا ژیرانە و شەرەفمەندانە نییە

ئاڤا نیوز

 

عەلی خامنەیی، ڕێبەری باڵای کۆماری ئیسلامی ئێران، دانووستاندن و ڕێککەوتن لەگەڵ ئەمریکا بە کارێکی ناشەرەفمەندانە ناو دەبات. 

 

وێنە گەورەکە: دوای واژۆکردنی لەسەر بڕیاری جێبەجێکردنی 'تووتندترین سزا' لەلایەن دۆناڵد ترەمپ، سەرۆکی نوێی ئەمریکا بۆ سەر ئابووری ئێران، قەتەر ئامادەیی دەربڕیووە بۆ ئەنجامدانی نێوەندگیری لە نێوان تاران و واشنتن لەپێناو ئاسایبوونەوەی پەیوەندییەکانی نێوان هەردوو وڵات. 

 

لێدوانی فەرمی: عەلی خامنەیی، ڕێبەری باڵای کۆماری ئیسلامی ئێران ڕایگەیاند: ئەزموونی ڕابردوومان بەڵگەی ئەوەیە کە دانووستان و ڕێککەوتن لەگەڵ ئەمریکا کارێکی ژیرانە و شەرەفمەندانە نییە و هەمیشە بە زەرەر و زیانی ئێران کۆتایی دێت.

 

ئەوەی پێویستە بیزانیت: ئەم لێدوانەی خامنەیی لە کاتێکدایە هەریەک لە مەسعود پزشکیان، سەرۆکی ئێران و عەباس عێراقچی، وەزیری دەرەوەی ئێران نەرمی دەنوێنن لە لێدوانەکانیاندا و هەوڵەکانیان بە ئاڕاستەی دانووستانە لەگەڵ ئەمریکا.