لە فەڕەنسا سەرکردەکانی جیهان تاوتوێی داهاتووی زیرەکی دەستکرد دەکەن

ئاڤا نیوز

ڕۆژی دووشەممە، سەرکردەکانی جیهان بۆ تاوتوێکردنی داهاتووی زیرەکی دەستکرد لە جیهان لە پاریسی پایتەختی فەڕەنسا کۆدەبنەوە.

 

وێنەگەورەکە: لووتکەی زیرەکی دەستکرد  لە پاریسی پایتەختی فەڕەنسا بە بەشداری سەرکردەکانی جیهان و بەڕێوبەری جێبەجێکاری کۆمپانیا تەکنەلۆژییەکان و پسپۆڕانی بواری زیرەکی دەستکرد بۆ ماوەی دوو ڕۆژ بەڕێوەدەچێت.

 

لێدوانی فەرمی: ئیمانوێل ماکرۆن،  سەرۆکی فەرەنسا ڕایگەیاند: دەمانەوێت  وڵاتەکەمان پێشەنگ بێت لە ئەوروپا لە   بواری زیرەکی دەستکرد، فەڕەنسا لەم ساڵدا بە بڕی 109 ملیار یۆرۆ وەبەرهێنان لە بواری زیرەکی دەستکردا دەکات.

 

زانیاری بەدەستهاتوو: لەو لووتکەیەدا تاوتوێی هەڕەشە و کاریگەرییەکانی زیرەکی دەستکرد لەسەر سەرجەم بوارەکان دەکرێت بەتایبەتی لە بوارەکانی تەندروستی، پەروەردە.

 

ئەمەش بزانە: لووتکەکە نزیکەی 1500 بەشداربوو لە نزیکەی 100 وڵاتەوە ئامادە دەبن، لە ناویاندا، جێگری سەرۆکی ئەمریکا جەی دیڤانس، جێگری سەرۆکی چین و ڕاوێژکاری ئەڵمانیا.