ئەحمەد شەرع سوپاسگوزارە کە 8 ساڵ لە عێراق زیندانی کراوە

ئاڤا نیوز

 

ئەحمەد شەرع، سەرۆککۆماری نوێی سووریا، باسی لەو ڕۆژانە کردووە کە لە زیندانەکانی عێراق بەسەریبردووە و دەڵێت،" ئەزموونێکی باش بوو بۆ درێژەدان بەکاری سیاسیم".

 

چیرۆکی سەرەکی: شەرع لەمیانی بەشداریکردنی لە پۆدکاستێکدا نهێنی و وردەکاریی زیندانیکردنی لە بەندیخانەکانی عێراق دەگێڕێتەوە، بەتایبەت لەئەبوغرێب و بووکا.

 

زانیاریی زیاتر: شەرع لە میانی پۆدکاستێکدا کە لەگەڵ ئەلیستەر کامپبێل، وتەبێژی پێشووی تۆنی بلێر، سەرۆکوەزیرانی پێشووی بەریتانیا، ئاماژەی بەوەدا کە باوکی پەنابەرێکی سیاسی بووە لە عێراق و پێشتر لە ڕۆژنامەکانی سعودییە و سووریادا لەسەر پرسە سیاسییەکان بابەتی بڵاودەکردەوە.

 

ئەوەی پێویستە بیزانیت: سەرۆکی سووریا باس لەوە دەکات لەگەڵ دەسپێکردنی کاری سیاسی لەعێراق دەستگیرکراوە و خراوەتە نێو زیندانی ئەبوغرێب، دواتر گواستراوەتەوە بۆ زیندانی بووکا، دواتر بۆ زیندانی کوپەر لە بەغدا و دواجار بۆ زیندانی تاجی، لەوێشەوە پێش دوو رۆژ لەدەستپێکردنی شۆرشی سووریا ئازاد کراوە.

 

ئەمەش بزانە: ئەحمەد شەرع لە درێژەی قسەکانیدا دەڵێت: لە ماوەی زیندانیکردنم چەندین کەسم ناسیوە کە کاریگەرییان لەسەر ژیانی سیاسیم هەبووە و ئەو ئەزموونەش بۆ من دەسپێکی باشبووە بۆ چالاکی و پێگەیشتنم وەک کەسایەتییەکی سیاسی، هەر لەزیندانیش هەموو کاتەکانم بە بیرکردنەوە و پلاندانان بۆ داهاتووی سیاسی خۆم بەسەر دەبرد.