ترەمپ پلانی ڕاگواستنی خەڵكی غەززە لەگەڵ شای ئوردن تاوتوێ دەکات

ئاڤا نیوز

 

بڕیار وایە ئەمڕۆ شا عەبدوڵڵای دووەم، شای ئوردن لە واشنتن چاوی بە دۆناڵد ترەمپ، سەرۆکی ئەمریکا بکەوێت و لەسەر پرسی ڕاگواستنی دانیشتووانی غەززە بۆ ئوردن کۆبوونەوەیەک ئەنجام بدەن.

 

وێنە گەورەکە: دوای هەفتەیەک لە ڕاگەیاندنی پلانی ڕاگواستنی دانیشتووانی غەززە بۆ ئوردن و میسر، دۆناڵد ترەمپ، سەرۆکی ئەمریکا لە هەوڵەکانی بەردەوامە بۆ ڕازیکردنی هەردوو وڵات بۆ پەسەندکردن و جێبەجێکردنی پلانەکەی.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: لە کۆبوونەوەی ڕۆژی سێشەممە هەوڵ دەدەم ڕێککەوتن لە گەڵ شا عەبدوڵڵای ئوردن بکەم و دوای ئەوە لەگەڵ میسریش ڕێککەوتن ئەنجامدەدەین و دەست بە جێبەجێکردنی پلانی دووبارە بونیادنانەوەی غەززە دەکەین.

 

ئەوەی پێویستە بیزانیت: ئوردن و میسر بە توندی پلانەکەی دۆناڵد ترەمپ ڕەتدەکەنەوە و ڕایانگەیاندووە بە هیچ شێوەیەک ئامادە نین دەستپێشخەریەکەی سەرۆکی ئەمریکا جێبەجێ بکەن.