ئەحمەد داودئۆغلو داوا دەکات غەززە بە تورکیاوە بلکێنرێت

ئاڤا نیوز

 

ئەحمەد داودئۆغلو، سەرۆکی پارتی ئایندە لە دژی هەڕەشەکانی دۆناڵد ترەمپ، سەرۆکی ئەمریکا و کڕینی خاکەکەی دەڵێت:  تا کاتی ڕیفراندۆم لە کەرتی غەززە با کەرتەکە بە تورکیاوە بلکێنرێت.

 

ڕاگەیێنراوی فەرمی: ئەحمەد داودئۆغلو ڕایگەیاند، تورکیا لە سەردەمی عوسمانییەکانەوە شەڕی لەسەر ئەو [فەلەستین] خاکە کردووە و با خەڵکی غەززە ڕیفراندۆم بکەن و تا ئەو کاتەی دەوڵەتی فەلەستین دروست دەکرێت، غەززە  وەک ناوچەیەکی ئۆتۆنۆم بە تورکیاوە بلکێنرێت. 

 

زانیاریی زیاتر: ئەم لێدوانەی داودئۆغلو لە دژی پلانی ترەمپە بۆ دەرکردنی خەڵکی غەززە و کۆنترۆڵکردنی، داودئۆغلو پێیوایە ئەمریکا مافی ئەوەی نییە غەززە بگرێت لە کاتێکدا عوسمانییەکان پێشووتر لەسەر خاکی غەززە شەڕيان کردووە و ئێستاشی لەگەڵ بێت نەوەی عوسمانییەکانی تێدا دەژیت.