دەم پارتی بۆ باخچەلی: تورکیا پێویستی بەتۆ هەیە

 

ئاڤا نیوز

تونجەر باکرهان، هاوسەرۆکی دەم پارتی لە پەیوەندییەکی تەلەفۆنیدا لەگەڵ دەوڵەت باخچەلی سەرۆکی مەهەپە، دوای ئەنجامدانی نەشتەرگەری هیوای سەلامەتی بۆ خواست و پێی گوت: تورکیا بۆ بانگەوازی ئاشتی و برایەتی پێویستیی بە تۆ هەیە.

چیرۆکی سەرەکی: دەوڵەت باخچەلی، لە چەند ڕۆژی ڕابردوودا باری تەندروستی تێکچوو، نەشتەرگەری دڵی بۆ ئەنجامدرا، بەڵام ئێستا دۆخی تەندروستی جێگیرە و بەپێی بڵاوکراوەی فەرمی پارتەکە لە ماوەیەکی نزیکدا دەگەڕێتەوە سەر کاری ڕۆژانەی.

بڵاوکراوەی فەرمی: دەم پارتی ڕایگەیاند، بەکرهان لە پەیوەندییەکی تەلەفۆنیدا کە بۆ هەواڵ پرسینی باری تەندروستی باخچەلی بوو، پێی گووتەوە: هیوای سەلامەتی و زوو چاک بوونەوەت بۆ دەخوازم لەبەر ئەوەی تورکیا بۆ ئاشتی و برایەتی پێویستی بە تۆ هەیە.

ئەوەی پێویستە بیزانیت: باخچەلی، خاوەنی پێشنیازی پرۆسەی ئاشتی کوردە لە تورکیا  کە "ئازادکردنی ئۆجەلان و چەکدانانی پەکەکە دەگرێتەوە"، تاوەکو ئێستا هەوڵەکان بۆ گەیشتن بە ئەنجام بەردەوامە، هەر لەو چوارچێوەیەشدا چاوەڕێ دەکرێت لە سەرەتای هەفتەی داهاتوو عەبدوڵڵا ئۆجەلان، بانگەوازێکی مێژووی ڕابگەیێنێت.