ماکرۆن بۆ ترەمپ: غەززە موڵکی مامەڵە نییە

ئاڤا نیوز

ئیمانوێڵ ماکرۆن، سەرۆکی فەرەنسا، ڕەخنە لە پلانەکەی ترەمپ بۆ غەززە دەگرێت و ڕەتی دەکاتەوە.

ڕاگەیێنراوی فەرمی: ماکرۆن ڕایگەیاند:

- پلانەکانی ترەمپ سەبارەت بە غەززە و گرینلاند کە ترەمپ دەیەوێت بیانکاتە بەشێک لە ئەمریکا، نموونەی نائامادەیی ستراتیژن لە سیاسەتی ترەمپدا.

- ئەو ڕاشکاوانە ڕەخنەی لەم بیرۆکانەی ترەمپ گرت و بە "زۆر مەترسیدار" ناوی بردن و گوتی، "بە بڕوای من چارەسەر، نابێت موڵکی بێت، بەڵکو دەبێت سیاسی بێت." 

ئەوەی پێویستە بیزانیت: ترەمپ پێشنیازی کردووە دانیشتوانی غەززە، کە ژمارەیان دوو ملیۆن و 200 هەزار کەس دەبێت، بۆ وڵاتانی دراوسێ، وەک میسر و ئوردن، بگوازرێنەوە و ڕێگەش نەدرێت جارێکی دیکە بگەڕێنەوە.

ئەمەش بزانە: ترەمپ داوای ئەوەشی کردووە، غەززە بخرێتە ژێر دەستەڵاتی ئەمریکا.