فێستیڤاڵی خلیسکانێی سەربەفر لە پرژێ بەڕێوە دەچێت

ئاڤا نیوز

 

فێستیڤاڵی خلیسکانێی سەربەفر لە پرژێ لە چۆمان بە بەشداری دەیان یاریزانی ناوخۆیی و بیانی بەڕێوەدەچێت و بڕیارە بۆ ماوەی دوو ڕۆژ بەردەوام بێت.

 

وێنە گەورەکە: فێستڤاڵی خلیسکانێی سەربەفر بە بەشداری 130 یاریزانی بیانی و 40 یاریزانی ناوخۆیی بەڕێوەچوو و دوو ڕۆژ بەردەوام دەبێت، یاریزانانی بیانی و کورستانی شان بەشانى یەکتر بەشدارن و دوو كیلۆمه‌تر ده‌برن  و دایانەوێت نمایشی سه‌ركێشى و سەرنجڕاکێش بكه‌ن.

 

بۆچی گرنگە: ئامانج لە ڕێوەچوونی فێستیڤاڵەکە بۆ ئەوەیە زیاتر ناوچە گەشتیاریەکانی کوردستان بناسێنرێن، پلانیش هەیە کار بۆ فراوانکردنی ئەم چالاکیە زستانیانە بکرێت.

 

لێدوانی فەرمی: ئه‌نا فابیان، یاریزانە و لە دانیمارکەوە هاتووە، دەیەوێت یارمەتی یاریزانانی کورد بدات لە یاری سکی، دەڵێت، "سرووشتێكی زۆر سه‌رنجڕاكێشه‌، دەمەوێت چەند جارێکی دیکەش بگەرێمە كوردستان".