ئەم هەفتەیە لیستی مووچەی مانگی 2 ڕەوانەی بەغدا دەکرێت

ئاڤا نیوز

فەرمانگەی تەکنەلۆژیا و زانیاری سەرقاڵی ئامادەکردنی لیستی مووچەی مانگی دووە، سەرچاوەیەکی باڵای وەزارەتی دارایی و ئابووری دەڵێت 'لەم هەفتەیەدا لیستەکە ڕەوانەی بەغدا دەکرێت'.

وێنە گەورەکە: بەغدا داوای لیستی مووچەی مانگی شوباتی لەگەڵ تەرازووی پێداچوونەوەی مانگی 1ی 2025 لە هەرێمی کوردستان کردووە کە کۆی خەرجییەکانی حکومەتی هەرێمی کوردستان و داهاتە نانەوتییەکان و داهاتە نانەوتییە فیدراڵییەکان دەگرێتەوە.

لێدوانی فەرمی: سەرچاوەیەکی باڵا لە وەزارەتی دارایی و ئابووری حکومەتی هەرێمی کوردستان، بە ئاڤا میدیای ڕاگەیاند:

- ئێستا تیمی فەرمانگەی تەکنەلۆژیا و زانیاری بە شێوازی پەیڕۆڵ  سەرقاڵی ئامادەکردنی لیستی مووچەی مانگی دوون، تاوەکو ڕۆژی دووشەممە و سێشەممەی ئەم هەفتە کارەکان تەواو دەکەن و ڕەوانەی بەغدای دەکەن.

- ناردنی مووچەی مانگی دوو دەکەوێتە سەر ئەو وردبینییەی بەغدا کە بۆ لیستی مووچە دەیکات، ڕەنگە پێنج ڕۆژ یان هەفتەیەک بۆ وردبینی پێویست بێت.

زانیاریی زیاتر: ڕۆژی 12-2-2025، هەرێمی کوردستان 50%ی داهاتە نانەوتییەکانی کە دەکاتە 51 ملیار و 895 ملیار دینار خستیە سەر هەژماری دارایی عێراق.

باکگراوند: بەغدا بۆ مووچەی مانگی 1ی 2025 بڕی 958 ملیار و 12 ملیۆن دیناری ڕەوانەی هەرێمی کوردستان کردووە.