بەرازیل بڕیار لەسەر لوتکەی بریکس 2025 دەدات و ئەمریکاش هەڕەشە دەکات

ئاڤا نیوز

بەرازیل کات و شوێنی بەڕێوەچوونی کۆبوونەوەی لوتکەی بریکس 2025 دیاری دەکات و ئەمریکاش هەرەشە دەکات.

 

بڵاوکراوەی فەرمی: حکومەتی بەرازیل ڕایگەیاند، لوتکەی داهاتووی بریکس لە 6-7ی تەمموزی ئەمساڵ لە ڕیۆ دی جانیرۆ بەڕێوەدەچێت، وەک سەرۆکی نوێی بلۆکەکە، بەرازیل تا کۆتایی ئەمساڵ سەرکردایەتی بریکس دەکات. 

 

لێدوانە فەرمییەکان: ماورۆ ڤیێرا، وەزیری دەرەوەی بەڕازیل جەخت لەوە دەکاتەوە، لوتکەکە بڕیارە گرنگەکان سەبارەت بە گەشەپێدان و هاوکاری و باشترکردنی بارودۆخی ژیان لە وڵاتانی بەشدار لە بریکس دەخاتە ڕوو. 

 

بابەتە ستراتیژییەکان: یەکێک لە ئامانجە سەرەکییەکانی کۆمەڵەکە دامەزراندنی سیستمێکی پارەدانی جیگرەوەیە کە سەربەخۆبێت لە دۆلاری ئەمریکی.

 

لەلایەکی دیکە: دۆناڵد ترەمپ، سەرۆکی ئەمریکا هەڕەشەی سەپاندنی باجی 100٪ دەکات بەسەر وڵاتانی بەشدار لە بریکس ئەگەر رژدبن لەسەر جێبەجێکردنی سیستەمی 'دژە دۆلار'.