پارەی ژینگە و یەکەم تۆمارکردن لە ئۆتۆمبێلی کارەبایی وەرناگیرێت

ئاڤا نیوز

 

حکومەتی هەرێمی کوردستان لە ئەمڕۆوە پارەی یەکەم تۆمارکردن و ژینگە لە ئۆتۆمبێلی تەواو کارەبایی وەرناگرێت.

 

ڕاگەیێنراوی فەرمی:  ئەمڕۆ دەستەی پاراستن و چاککردنی ژینگەی هەرێمی کوردستان ڕایگەیاند، حکومەت پارەی یەکەم تۆمارکردنی ئۆتۆمبێکی تەواو کارەبایی وەرناگرێت، هەروەها لە پارەی ژینگەش خۆش دەبێت، ئەم هەنگاوەش لە ئەمڕۆوە دەچێتە بواری جێبەجێکردنەوە.

 

زانیاریی زیاتر: ڕۆژی 29-11-2024، دەستەی پاراستن و چاککردنی ژینگە، نووسراوی ژمارە(202)ی ئاراستەی دیوانی ئەنجوومەنی وەزیران و وەزارەتی دارایی و ئابووری کرد، بۆیە 100٪ ڕسوماتی گومرگی لەسەر هاوردەکردنی ئۆتۆمبێلی تەواو کارەبایی هەڵگیرا.

 

خاڵی ئەرێنی: ئەم هەنگاوە وادەکات هاووڵاتییان زیاتر ڕوو لە کڕینی ئۆتۆمبێلی کارەبایی بکەن کە دواجار کاریگەری لەسەر پاکڕاگرتنی ژینگە لە دووکەڵ و پیسی دەبێت.