بەشێک لە مامۆستایانی چەمچەماڵ مووچەی مانگی یەکیان وەرنەگرتووە

 

 

ئاڤا نیوز

ژمارەیەک مامۆستا لە چەمچەماڵ ناویان لە لیستی مووچەی مانگی یەک نەبووە و مووچەیان وەرنەگرتووە، دەڵێن ترسمان هەیە لە ناومان لە لیستی مانگەکانی داهاتووش نەبێت.

چیرۆکی سەرەکی: ژمارەیەک مامۆستا لە سنووری پەروەردەی چەمچەماڵ لەڕێگەی ئاڤاوە سۆراخی مووچەی مانگی یەکیان دەکەن، تەنانەت بەشێکیان دەڵێن لە لیستی مووچەی مانگی یەک ناویشیان نەبووە و ترسی ئەوەیان هەیە نەک هەر مانگی یەک، مانگەکانی دیکەش وەرنەگرن.

زانیاری بەدەستهاتوو: ژمارەی ئەو مامۆستایانە 13 کەسن دووانیان  قسەیان بۆ ئاڤا کردووە و دەڵێن کە ناویشمان لەنێو لیستی مووچەی مانگی یەک نییە، هیوایان بە ئاڤا هەیە کێشە و داواکارییەکەیان بگەیێنێت.

لێدوانی فەرمی: عەبدوڵڵا حەمە بەڕێوەبەری پەروەردەی چەمچەماڵ بە ئاڤا میدیای ڕاگەیاند، "حاڵەتێکمان هەبوو هەندێک کەس ناویان بە سفر هاتبوو لە لیستەکە بۆیە مووچەکانیان دابەشنەکراوە، هەر هی ئێمە نییە تاک و تەرا پەروەردەکانی دیکەش ئەو کێشەیان هەیە، بەڵام فۆڕمییان بۆ کراوە لیستی جیاوازیان بۆ کراوەتەوە، دراوەتە وەزارەتی پەروەردە و لەوێشەوە بۆ وەزارەتی دارایی ئەوانەیشی لە لیستی مانگی یەک نەنووسرابوون ناویان زیادکراوە".