ئۆکراینا پێشنیاری ئەمریکا بۆ خاوەندارێتی 50٪ی کانزا دەگمەنەکانی وڵاتەکەی ڕەتدەکاتەوە

ئاڤا نیوز


ئەمریکا لە بەرامبەر هاوکارییە دارایی و سەربازییەکانی بۆ ئۆکراینا داوای نیوەی ئەو کانزا دەگمەنانەی کردووە کە لە خاکی ئۆکراینا بوونیان هەیە

 

وێنە گەورەکە: ئیدارەی نوێی ئەمریکا لە هەوڵی بەردەوام دایە بۆ ئەوەی کۆتایی بە جەنگی سێ ساڵە بهێنن، بەڵام وەک دیارە دۆناڵد ترەمپ نایەوێ بەدەستبەتاڵی بێتە دەرەوە و ئەمەش ناشارێتەوە کە ئۆکراینا خاکێکی دەوڵەمەند و کانزای دەگمەنی هەیە، بێنن ئەم کانزایانەمان لەبەرامبەر ئەم هاوکارییانە بدەنێ کە ئەمریکا پیشکەشی کردوون. دوای ئەوە زێلێنسکی گوتی وەرن و بیبەن. 

 

پێدراوە راستەکان: بەپێی ئەو زانیارییانەی لە فاینانشال تایمز و ئێن بی سی دا هاتووە، سکۆت بێسێنت وەزیری گەنجینەی ئەمریکا لە ڕەشنووسی گرێبەستێکدا پێشنیارێکی خستووەتە بەردەم ڤۆلۆدیمیێڕ زێلێنسکی، سەرۆکی ئۆکراینا، ئەویش واژووی نەکردووە ، گوتویەتی پێویستە بە وردی بیخوێنمەوە و راوێژ بە کەسانی دیکەش بکەم.

 

ئەوەی پێویستە بیزانیت: بەپێی رۆژنامەی زە ئێکۆنۆمیست، وەزیری دارایی ئەمریکا تەنها کاتژمێرێک مۆڵەتی داوە بە ڤۆلۆدۆمیر زێلێنسکی تاوەکو وەڵامیان بداتەوە لەسەر قەبوڵکردنی پێشنیارەکە.

بۆچوونی لایەنی بەرامبەر: هەر لەم بارەیەوە بەرپرسێکی بالای ئۆکراینا کە ئاگاداری وردەکاریی کۆبوونەوەکە بووە بە رۆژنامەی کیێڤی راگەیاندووە، کە سەرۆک داواکارییەکەی بەدڵ نییە و بەدوای گرێبەستێکی باشتردا دەگەرێت.