هەشت تۆمەتباری خراپ بەکارهێنانی تۆڕە کۆمەڵایەتییەکان لە سلێمانی دەستگیرکران

ئاڤا نیوز

بەڕێوەبەرایەتی ئاسایشی پارێزگای سلێمانی، بەمەبەستی بەرەنگاربوونەوەی بڵاوکراوە نەشیاوەکان، هەشت تۆمەتباری خراپ بەکارهێنانی تۆڕەکۆمەڵایەتییەکانی دەستگیرکرد، دەگوترێت یەکێک لەو کەسانەی گیراوە فەرمانی لەفەیە. دوو سەرچاوەی نافەرمی لە سلێمانی بە ئاڤایان وت فەرمانی لەفە لەنێو گیراوانە. 

چیرۆکی سەرەکی: لەسەر داوای هاووڵاتییان ئاسایشی پارێزگای سلێمانی، دوای بەدواداچوون و دەستنیشانکردنی شوێن و ناسنامەی ئەو تۆمەتبارانەی کە لە تۆڕە کۆمەڵایەتییەکان لەگرتە ڤیدیۆیی و لایڤەکانیاندا ڕەفتاری دوور لە نەریت و ڕەوشتی کۆمەڵایەتییان بڵاودەکردەوە دەستگیرکران و ڕووبەڕوی یاسا کرانەوە.

ڕاگەیێنراوی فەرمی: لە ڕاگەیێنراوێکدا بەڕێوەبەرایەتی ئاسایشی پارێزگای سلێمانی، ڕایگەیاند، لەسەر داوای هاوڵاتیان هەشت کەسمان لە سنووری سلێمانی دەستگیرکردووە، کە لە بڵاوکراوە و لایڤەکانیاندا لە تۆرە کۆمەڵایەتییەکان، بابەتی دوور لە نەریت و جنێو و قسەی نەشیاویان بڵاو کردۆتەوە.