پەرلەمانتارێکی دەم پارتی : پرۆسەی ئاشتی لە باکوور کاریگەری لەسەر باشووری کوردستان دەبێت

 

 

ئاڤا نیوز

بەوتەی پەرلەمانتارێکی دەم پارتی، ئەگەر کێشەی کورد لە باکوور چارەسەر بکرێت کاریگەری هەرە گەورەی لەسەر باشووری کوردستان دەبێت  و ڕۆڵێکی بەرچاوی لە پرۆسەی ئاشتی دەبێت.

وێنە گەورەکە:  ڕۆژی یەکشەممە 2025-02-16، شاندێکی دەم پارتی لەگەڵ سەرۆک بارزانی، دواتر لەگەڵ نێچیرڤان بارزانی، سەرۆکی هەرێمی کوردستان کۆبوونەوە و پەیامی عەبدوڵڵا ئۆجەلان ڕێبەری زیندانیکراوی پەکەکەیان گەیاند و ئەنجامی دیدار و کۆبوونەوەکانی ئیمرالیشیان باسکرد.

لێدوانی فەرمی: محەممەد کەماچ ، پەرلەمانتاری دەم پارتی بە پەیامنێری دیبلۆماسی ئاڤا نیوزی ڕاگەیاند:

٠ پرۆسەی ئاشتی باکووری کوردستان کاریگەری لەسەر هەر سێ پارچەکەی کوردستان دەبێت، بۆ چارەسەرکردنی پرۆسەی ئاشتی هەریەک لە سەرۆک مەسعود بارزانی و نێچیرڤان بارزانی و مەسرور بارزانی ڕۆڵێکی مێژوویی تێدا دەگێڕن.

٠ دوای ئەوەی پەیام و دانووستاندنەکانی لایەنەکانی باشووری کوردستان دەگاتە عەبدوڵڵا ئۆجەلان، ناوبراو بانگەوازێکی دەبێت و پرۆسەی ئاشتی لە باکووری کوردستان دەستپێدەکات.

ئەوەی پێویستە بیزانیت: "سەرۆك بارزانی ئامادەیی تەواوی بۆ یارمەتیدان و پشتیوانیی پڕۆسەی ئاشتی لە توركیا و سەرگرتنی ڕاگەیاند".