لە شارەوانی سلێمانی کێشەی دابینکردنی زەوی بۆ فەرمانبەران هەیە

 

ئاڤا نیوز

سەرۆکایەتی شارەوانی سلێمانی لە دابینکردنی زەوی بۆ فەرمانبەران گرفتی هەیە، وەزارەتی شارەوانی و گەشتوگوزایش لەمبارەیەوە دەڵیت 'دەبێت نووسراومان بۆ بکەن تا هەماهەنگیان بکەین'.

چیرۆکی سەرەکی: سەرۆکی شارەوانی سلێمانی لە لێدوانێکدا باس لەوە دەکات، کە ناوی 50 هەزار فەرمانبەریان بۆ وەرگرتنی زەوی بۆ گەڕاوەتەوە، بەڵام زەوییان نییە تا بۆیان دابین بکەن.

لێدوانی فەرمی: سەربەست مەولود، بەرپرسی بەشی یاسایی لە وەزارەتی شارەوانی و گەشتوگوزار، بە ئاڤا میدیای ڕاگەیاند: کاتێک سلێمانی دەڵێت 50 هەزار زەویم نییە، مەبەستی ئەوەیە تەنیا 20 تا 30 زەوی پێ دابین دەکرێت، نەک 50 بۆ 70 هەزار زەوی.

زانیاری تایبەت: بەوتەی سەربەست مەولود: سەرۆکی شارەوانی سلێمانی پێی وتوون کە 20 هەزار زەوی ئامادەیە و کێشەی بەرفراوانبوونی شارەوانییان هەیە و پارەیان بۆ ئیفرازکردنی زەوی و یەکگرتنەوە بۆ دابین نەکراوە.

زانیاری بەدەستهاتوو: بۆ ئیفرازکردنی زەوی و گرتنەبەری ڕێکارە یاساییەکانی شەش مانگی پێویستە، ئەگەر هیچ کێشەیەک بۆ پرۆسەکە لە فەرمانگەکانی کشتووکاڵ و تاپۆ و شارەوانییەکان دروست نەبێت.

ئەوەی پێویستە بیزانیت: سەرۆکایەتی شارەوانی سلێمانی دەبێت بە نووسراو پێداویستی و کەموکوڕییەکانی بۆ چارەسەرکردنی گرفتی ئیفرازکردنی زەوی ئاراستەی وەزارەتی شارەوانی و گەشتوگوزار بکات، دواتر وەزارەتی شارەوانی نووسراوەکە ئاراستەی وەزارەتی دارایی دەکات، بۆ ئەوەی پارەیان بۆ تەرخان بکرێت.