سوپای عێراق بیرە ئاوەکانی گوندی شەناغەی داگیر کردووە

ئاڤا نیوز

 

سوپای عێراق دەستی بەسەر ئاو و خاک و ژیانیشدا گرتووە و ئاژەڵەکانیانیشیان لەنێو چوار دیواردا قەتیس کردووە، بەڵام جووتیارانی سەرگەڕان ڕووبەڕووی هەموو ئەو ئاستەنگییانە بوونەتەوە. 

 

چیرۆکی سەرەکی: لە سنووری کەرکووک و گوندی پەلکانە، سوپای عێراق ئۆتۆمبێلی سەربازی لەسەر بیرە ئاوەکان ڕاگرتووە و ڕێگە نادات ئاژەڵداران ئاوەکەی بەکاربهێنن بۆ ئاودانی ئاژەڵەکانیان، هاوکات دەستی بەسەر ئەو زەوییانەشدا گرتووە کە ساڵانی ڕابردوو بۆ چاندنی وێنجەی ئاژەڵان بەکارهاتوون. 

 

زانیاریی زیاتر: لەبەر برسییەتی و بێ ئاوی بەشێک لە ئاژەڵەکانی ئەو ناوچەیە تووشی نەخۆشی بوون و ئاژەڵداران ڕۆژانە چارەسەری پزیشکییان بۆ دەکەن تا مردار نەبنەوە.