ڕوونکردنەوەی وەزارەتی دەرەوە لەبارەی سەردانەکەی شەیبانی بۆ بەغدا

ئاڤا نیوز

وەزارەتی دەرەوەی عێراق لەبارەی سەردانەکەی وەزیری دەرەوەی سووریا بۆ بەغدا لەسەر بانگێشتی وەزیری دەرەوە بووە و وادەی سەردانەکەشی دوای هەماهەنگی پێویست لەنێوان هەردوولادا دیاری دەکرێت.

 

وێنە گەورەکە: بڕیاربوو ئەمڕۆ شەممە 22-2-2025، ئەسعەد شەیبانی، وەزیری دەرەوەی سووریا سەردانی بەغدا بکات، بەڵام بە گوێرەی ئەو زانیارییانەی سەرچاوەیەکی ئاگادار بە میدیا عێراقییەکانی ڕاگەیاندووە، سەردانەکەی شەیبانی بە هۆکاری ئەمنیی بۆ کاتێکی نادیار دواخراوە. 

 

ڕاگەیێنراوی فەرمی: بەگوێرەی ڕاگەیێنراوێکی وەزارەتی دەرەوەی عێراق، ئەسعەد شەیبانی، وەزیری دەرەوەی سووریا پێشتر بانگهێشتی فەرمی لەلایەن فوئاد حسێن، وەزیری دەرەوەی سووریاوە بۆ سەردانی عێراق پێگەیشتبوو.

 

- شەیبانی خواستی خۆی بۆ قبووڵکردنی ئەو بانگهێشتنامەیە دەربڕی کە لە چوارچێوەی تاوتوێکردنی پەیوەندییە دووقۆڵییەکانی نێوان هەردوو وڵات و تاوتوێکردنی پێشهاتە ئەمنی و سیاسییەکانی ناوچەکە دێت.

 

- وادەی سەردانەکە دوای تەواوبوونی هەماهەنگی پێویست لە نێوان هەردوولادا دیاری دەکرێت، بە شێوەیەک کە لە خزمەتی بەرژەوەندی هاوبەشدا بێت.

 

ئەوەی پێویستە بیزانیت: بەگوێرەی سەرچاوەیەکی عێراقی، شەیبانی لەگەڵ لەتیف ڕەشید، سەرۆککۆماری عێراق و محەممەد شیاع سوودانی، سەرۆکوەزیرانی عێراق و فوئاد حوسێن، هاوتا عێراقییەکەی لەسەر چەند پرسێکی پەیوەست بە پەرەسەندنی پەیوەندییەکانی نێوان هەردوو وڵات کۆدەبێتەوە، بەتایبەتی لەبوارەکانی ئاسایش و بەرەنگاربوونەوەی تیرۆر و پاراستنی سنوور و کردنەوەی دەروازە فەرمییەکان.