سبەی لە زۆربەی ناوچەکانی هەرێمی کوردستان دەوامی قوتابخانەکان ئاسایی دەبێت

ئاڤا نیوز

بەهۆی ئەو شەپۆلە سەرمایەی کە سەرجەم هەرێمی کوردستانی گرتووەتەوە، `لە بەشێکی شار و ناوچەکانی کوردستان بەو هۆیەوە پشوو ڕاگەیێنرا، بەڵام لە زۆربەی ناوچەکانی دیکە دەوام لە ناوەندەکانی خوێندن ئاسایی دەبێت.

وێنە گەورەکە: کاریگەری جەمسەری باکوور و سیبیری ناوچەکانی ڕۆژهەڵاتی ناوەڕاست و شەپۆلێکی چڕی بەفر و باران هەرێمی کوردستانی گرتووەتەوە، بەفر لە سەنتەری شارەکانیش باریوە و پێشبینی دەکرێت ئەم شەپۆلە ڕۆژی یەکشەممەش بەردەوام و سەختتر بێت.

زانیاریی تایبەت: ئەو شوێن و ناوچانەی کە دەوام لە ناوەندەکانی خوێندن ئاسایی دەبێت، ئەمانەن:

- بەڕێوەبەرى گشتیى پەروەردەى سلێمانى ڕایگەیاند، سبەى یەکشەممە لە سەرجەم ناوەندەکانى خوێندن دەوام ئاسایی دەبێت و پشوو نابێت.

- ناوەندەکانی خوێندن لەسنووری پارێزگای هەولێر دەوام ئاسایی دەبێت.

- لەسنووری پارێزگای دهۆک پشوو نابێت و دەوام ئاساییە.

ئەوەی پێویستە بیزانیت: لە پارێزگای هەڵەبجە بەهۆی بەفربارین و سەرماوە، ڕۆژی یەکشەممە لە سەرجەم ناوەندەکانی خوێندن لە سنووری ناحیەی تەوێڵە و بیارە پشووی فەرمی دەبێت، لە سنووری پێنجوێن لە سنووری پارێزگای سلێمانی، هەروەها لە چۆمان و سیدەکان لە ئیدارەی سەربەخۆی سۆران کرا بە پشوو.