هۆکاری دواخستنی سەردانەکەی شەیبانی بۆ عێراق ئاشکرا دەکرێت

ئاڤا نیوز

 

لیژنەی ئاسایش و بەرگریی پەرلەمانی عێراق هۆکاری دواخستنی سەردانەکەی وەزیری دەرەوەی سووریا بۆ عێراق ئاشکرا دەکات و باس لەوە دەکات هۆکارەکە "تەکنیکی و دیپلۆماسی" بووە. 

 

لێدوانی فەرمی: عەلاوی بەنداوی، ئەندامی لیژنەی ئاسایش و بەرگریی عێراق ڕایگەیاند: باسی دواخستنی سەردانەکەی ئەسعەد شەیبانی، وەزیری دەرەوەی سووریا بەهۆی هەڕەشە ئەمنییەکانەوە دوورە لە ڕاستی، عێراق بە تەواوی پابەندە بە پاراستنی میوانەکانی لە هەر هەڕەشەیەک، هەروەها هیچ لایەنێک ناتوانێت هێرش بکاتە سەر میوانەکانی عێراق.

 

- هۆکاری تەکنیکی و دیپلۆماسی لە پشت دواخستنی سەردانەکەی شەیبانییەوە، نەک هۆکاری ئەمنی و هەڕەشە.

 

ئەوەی پێویستە بیزانیت: بڕیاربوو ڕۆژی شەممە، ئەسعەد شەیبانی، وەزیری دەرەوەی سووریا لەسەر داوای هاوتاکەی سەردانی بەغدا بکات، بەڵام بۆ کاتێکی نادیار دواخرا.