وەزارەتی دارایی: ناردنی لیستی مووچەی مانگی دوو لە ئان و ساتدایە

ئاڤا نیوز

ناردنی لیستی مووچەی مانگی دوو بۆ بەغدا لە ئان و سات دایە، ئەگەر لە دوو ڕۆژی داهاتوودا نەنێردرێت، ناردنی پارە دەکەوێتە مانگی سێ.

چیرۆکی سەرەکی: ئەم مانگەش لیستی مووچە بە سیستەمی پەیرۆڵ ئامادەکراوە، لە ڕۆژانی ڕابردوودا ئاڤا لەگەڵ چەند سەرچاوەیەکی جیاوازی وەزارەتی دارایی  و ئابووریی هەرێمی کوردستان قسەی کرد، وتیان تەواوە بووە و هیچ کێشەیەکی نەماوە، بڕیار بوو ئەمڕۆ بنێردرێت، بەڵام نەنێردرا.

لێدوانی فەرمی:  سەرچاوەیەک لە وەزارەتی دارایی لە بارەی ناردنی لیستەکە بە ئاڤا میدیای ڕاگەیاند، ناردنی لە ئان و سات دایە.

ئەوەی پێویستە بیزانیت:  ئەم مانگە ناردنی لیستی مووچە دواکەوت، ئەم مانگەش 28 ڕۆژە، تەنیا 5 ڕۆژ ماوە ئەم مانگە تەواو بێت هێشتا لیست بۆ بەغدا نەنێردراوە. دوای ئەوەی دەشنێردرێت، لە وەزارەتی دارایی عێراق وردبینی بۆ دەکرێت و چەند ڕۆژێکی پێویستە، ئەگەر لەم یەک دوو ڕۆژە نەنێردریت، مووچەی مانگی دوو دەکەوێتە مانگی سێ.