بەهۆی دەنگۆی بوونی بۆمب، فڕۆکەیەکی ئەمریکا بە ناچاری لە ڕۆما دەنیشێتەوە

ئاڤا نیوز

 

ڕۆژی دووشەممە، بەهۆی دەنگۆی بوونی بۆمبێک لە فڕۆکەیەکی ئەمریکی لە  هێڵی ئاسمانی ئەمریکان ئێرڵاینس کە گەشتی نیویۆرک-نیو دەلهی ئەنجام دەدا لە ڕۆما نیشتەوە.

 

وێنە گەورەکە: ڕۆژی 24-2-2025، فڕۆکەیەکی لە جۆری  Boeing 787-9 سەربە کۆمپانیای هێڵی ئاسمانی ئەمریکی ئەمریکان ئێرڵاینس کە گەشتی نیویۆرک-نیودەلهی ئەنجام دەدا، بەهۆی دەنگۆی بوونی بۆمب تیایدا لە فڕۆکەخانەی نێودەوڵەتی فیومیچینۆی ڕۆمای پایتەختی ئیتاڵیا نیشتەوە.

 

زانیاریی زیاتر: فڕۆکەکە پێش نیشتنەوەی دوای ئەوەی چووە کایەی ئاسمانی ئیتاڵیاوە لەلایەن دوو فڕۆکەی جەنگی هێزەکانی ئاسمانیی ئیتاڵیاوە یاوەری کرا و، دوای نیشتنەوەشی شوێنێکی ئەمنیی فڕۆکەخانەکە وەستا.

 

ئەوەی پێویستە بیزانیت: لە ناو فڕۆکەکەدا 199 گەشتیار و 15 تیمی فڕۆکەوانی هەبوون، پسپۆڕانی پووچەڵکردنەوەی بۆمب کە لە هێزە ئەمنییەکانی ئیتاڵیا پێکهاتبوو بە هاوکاری سەگی تایبەت بە دۆزینەوەی بۆمب پشکنینیان بۆ فڕۆکەکە کرد بەپێی قسەی هێزە ئەمنییەکان هیچ مەترسیەک لەسەر فڕۆکەکە نەبوو تەنیا دەنگۆیەک بوو.