پێنج بازرگانی ماددەی هۆشبەر لە پێنجوێن دەستگیرکران

ئاڤا نیوز

 

بەڕێوەبەرایەتی گشتیی نەهێشتنی ماددە هۆشبەرەکانی دەزگای ئاسایشی هەرێم، لە ڕووبەڕووبوونەوەیەکدا توانیان پێنج بازرگانی ماددەی هۆشبەر دەستگیر بکەن.

 

ڕاگەیێنراوی فەرمی: ڕۆژی 24-2-2025، بەڕێوەبەرایەتی گشتیی نەهێشتنی ماددە هۆشبەرەکان لە دەزگای ئاسایشی هەرێم، ڕایگەیاند: لە قەزای پێنجوێن لەگەڵ پێنج بازرگانی ماددەی هۆشبەر ڕووبەڕووبووینەوە و توانیمان دەستگیریان بکەین، بەهۆی ڕووبە ڕووبوونەکە یەکێک لە بازرگانەکان بریندار بووە.

 

زانیاریی زیاتر: دەست بەسەر چوار کیلۆگرام ماددەی هۆشبەر لە جۆری کریستاڵ گیراوە.

 

ئەوەی پێویستە بیزانیت: چوار بازرگانەکەی ماددەی هۆشبەر بە بڕیاری دادوەر دەستگیر کراون و ڕووبەڕووی یاسا کراونەتەوە.