ئەمریکا بنکەیەکی سەربازی وڵاتەکەی لە یۆنان دادەخات

ئاڤا نیوز

 

دۆناڵد ترەمپ، سەرۆکی ویلایەتە یەکگرتووەکانی ئەمەریکا بڕیاریدا بنکەی سەربازی وڵاتەکەی لە یۆنان دابخات و  سەربازەکانی لەو وڵاتە بکشێنێتەوە.

 

 زانیاریی بەدەستهاتوو: بەپێی هەواڵێکی ڕۆژنامەی دیمۆکراتیای یۆنانی، دۆناڵد ترەمپ، سەرۆکی ویلایەتە یەکگرتووەکانی ئەمریکا، فەرمانی داخستنی بنکەی سەربازی ئەمریکای لە ئەلێکساندرۆپۆلیسی لە یۆنان دەرکردووە ئەمەش دوای ساڵانێک لە نیگەرانییەکانی تورکیا سەبارەت بەم بنکەیە.

 

ئەمەش بزانە: بەگوێرەی میدیاکانی یۆنان، بڕیارەکەی ترەمپ بۆ هەڵوەشاندنەوەی بنکەی سەربازی خۆی  لە ئەلێکساندرۆپۆلیسی دوای داوایەکی هاوبەشی ڤلادیمێر پوتین، سەرۆکی ڕووسیا و ڕەجەب تەیب ئەردۆغان، سەرۆککۆماری تورکیا دێت.

 

پێدراوە ڕاستەکان: ئەو بنکەیە ناوەندێکی سەرەکی لۆجستی بووە بۆ ئۆپەراسیۆنەکانی ئەمریکا و ناتۆ لە باشووری ڕۆژهەڵاتی ئەوروپا، خاڵکی ناکۆکی بووە بۆ تورکیا و ساڵانێکی نیگەرانی خۆی بۆ ئەنجامدانی ئەو ئۆپەراسیۆنانە.

 

ئەوەی پێویستە بیزانیت: ئیدارەی ترەمپ تا ئێستا بە فەرمی هیچ لێدوانێکی لەسەر ئەم بابەتە نەداوە و تا ئێستاش ڕوون نییە کە ئایا ئەو بڕیارە هەمیشەیی دەبێت یان بەشێک دەبێت  لە ڕێکخستنەوەی سەربازی ئەمریکا.