ئاسایشی هەولێر دەستگیرکردنی باندێکی سێ کەسی ڕاگەیاند

ئاڤا نیوز

ئاسایشی هەولێر باندێکی سێ کەسی دەستگیرکردووە، باندەکە لە کاتی دەستگیرکردنیان ڕووبەڕووی هێزەکانی ئاسایش بوونەتەوە و یەکێک لە تۆمەتبارەکانیش خەڵکی دەرەوەی هەرێمی کوردستانە.

ڕاگەیێندراوی فەرمی: بەرێوبەرایەتیی ئاسایشی هەولێر ڕایگەیاند:

- لە دوو ئۆپەراسیۆنی هاوبەشدا لەگەڵ بەڕێوەبەرایەتیی گشتی نەهێشتنی ماددە هۆشبەرەکان، سێ تۆمەتباری ماددەی هۆشبەریان بە ناوەکانی (ف، ف،ع) و (ف، م،ف) و (ح،ط، أ) دەستگیر کردووە.

- تۆمەتبارەکان بڕی یەک کیلۆ و 800 گرام لە ماددە هۆشبەرەکانی کریستاڵ، مەریجوانە و چەند پارچە حەبێکی هۆشبەر لەلا بووە. لەگەڵ ئەوەشدا دەمانچەیەک و کەرەستەی پێوانەکردنی ماددەی هۆشبەریان لابووە.