ڕۆژنامەی تێلێگراف: ئێران شەوانە ئامادەی هێرشی لەناکاوی ئیسرائیلە

ئاڤا نیوز

بەگوێرەی ڕاپۆرتێکی ڕۆژنامەی تێلێگرافی بەریتانی، ئێران ئامادەکاری دەکات بۆ هێرشی ئیسرائیل بۆ سەریان و هەموو شەوێک چاوەڕێن هێرشەکە ئەنجام بدرێت.

چیرۆکی سەرەکی: ڕۆژنامەی تێلێگراف لە ڕاپۆرتێکیدا باس لە دۆخی ئێران دەکات کە ئامادەکاری دەکات بۆ هێرشە لەناکاوەکانی ئیسرائیل و دەڵێت: کۆماری ئیسلامی دامەزراوە ئەتۆمییەکانی خستووەتە حاڵەتی ئامادەباشییەوە بەهۆی ترسی هێرشی ئیسرائیل و ئەمریکا، بەرپرسانی ئێران لەو باوەڕەدان هێرشێکی گەورە لەلایەن ئەمریکاوە بوونی کۆماری ئیسلامی دەخاتە مەترسییەوە.

ڕاگەیێنراوی فەرمی: ڕۆژنامەی تێلێگرافی بەریتانی ڕۆژی سێشەممە لە زاری دوو سەرچاوەی ئاگاداری حکومەتی ئێرانەوە بڵاویکردەوە:

٠ کۆماری ئیسلامی سیستمی بەرگری ئاسمانی نوێی لە دەورووبەری شوێنە ئەتۆمی و مووشەکییەکانی داناوە بۆ بەهێزکردنی سیستمی بەرگری لە ئەگەری هەر هێرشێک.

٠ دەسەڵاتدارانی ئێران هەموو شەوێک چاوەڕێی هێرش دەکەن ، تەنانەت لەو شوێنانەش کە کەس نازانێت بوونی هەیە لە ئامادەباشیدان.

زانیاری زیاتر: ئێران کار لە بەهێزکردنی دامەزراوە ئەتۆمییەکان دەکات و چەندین ساڵە بەردەوامە، بەڵام لە چەند مانگی ڕابردوودا دوای یەکەم هێرشی ئیسرائیل بۆ سەر خاکی ئێران چڕتر بووەتەوە.

باکگراوند: دەیان ساڵە کۆماری ئیسلامی و ئیسرائیل خەریکی جەنگێکن کە بە "جەنگ لە سێبەردا" ناوی دەرکردووە، ساڵی ڕابردووش ئیسرائیل دوو جار هێرشی کردووەتە سەر خاکی ئێران، لە 20ـی 4 و 27ـی 10.