ئەمریکا بۆ عێراق.. هەنگاوەکانتان بۆ سەربەخۆیی وزە خێراتر بکەن

ئاڤا نیوز 

ئەمریکا داوا لە عێراق دەکات هەنگاوەکانی خێراتر بکات بۆ بەدەستهێنانی سەربەخۆیی وزە و خۆی لە ئێران بەدوور بگرێت.

 

وێنە گەورەکە: وەزیری دەرەوەی ئەمریکا داوا لە محەممەد شیاع سوودانی، سەرۆکوەزیرانی عێراق دەکات پەلە بکەن لە بەدەستهێنانی سەربەخۆیی لە بواری وزە و رێکارەکانی هەناردەکردنەوەی نەوتی کوردستان خیراتر بکەن.

 

پێدراوە راستەکان: بەگوێرەی بڵاوکراوەیەکی وەزارەتی دەرەوەی ئەمریکا، مارکۆ رۆبیۆ، وەزیری دەرەوەی ئەمریکا لەگەڵ  محەممەد شیاع سوودانی، سەرۆکوەزیرانی عێراق باسیان لە هەناردەکردنەوەی نەوتی کوردستان و هەژموونی ئێران و وەبەرهێنانی ئەمریکا لە عێراق کردووە.

 

لەلایەکی دیکەوە: سەرۆکوەزیرانی عێراق، لە لێدوانێکی بۆ ئاژانسی شەرقییە داوای لە ئیدارەی نوێی ئەمریکا کردووە کە ئەم لێخۆشبوونەی ئیدارەی پێشوو بۆ هاوردەکردنی گازی سرووشتی لە ئێران بۆ عێراق درێژبکاتەوە. گوتیشی تاوەکو 2028 عێراق بەیەکجاری هاوردەکردنی گاز دەوەستێنێت و سەربەخۆیی وزە بەدەست دەهێنیت.