10 ڕۆژی دیکە عێراق دەچێتە نێو قەیرانی بێکارەبایی

ئاڤا نیوز

وادەی لێخۆشبوونی ئەمریکا بۆ هاوردەکردنی غازی ئێران لەلایەن عێراقەوە دوای 10 ڕۆژی دیکە کۆتایی دێت و بەو هۆیەشەوە عێراق ڕووبەڕووی قەیرانی کەمیی کارەبا دەبێتەوە.

 

وێنە گەورەکە: لە چوارچێوەی تووندکردنەوەی سزاکانی سەر ئێران، ئەو لێخۆشبوونەی به عێراق درابوو بۆ هاوردەکردنی کارەبا و غاز له ئێرانەوە، لەلایەن دۆناڵد ترەمپ، سەرۆکی ئەمریکا هەڵوەشێنرایەوە.

 

لێدوانی فەرمی: ئەحمەد مووسا، وتەبێژی وەزارەتی کارەبای عێراق ڕاگەیاند: لێخۆشبوونی ئەمریکا بۆ هاوردەکردنی غازی ئێران تا 8ی ئازار کۆتایی دێت، هاوکات عێراق بەردەوامە لە لەدەستدانی نزیکەی یەک لەسەر سێی بەرهەمهێنانی کارەبا بەهۆی وەستانی غاز لە ئێرانەوە لە چەند ڕۆژی ڕابردوودا.

زانیاریی زیاتر: ئەحمەد مووسا ئاماژەی بۆ ئەوەش کرد، ئەو لێخۆشبوونەی ئەمریکا کە وەزارەتی کارەبا و حکومەتی عێراق بەدەستی دەهێنن بۆ هاوردەکردنی غازی ئێران لە 8ی ئادار واتە دوای نزیکەی 10 ڕۆژی دیکە کۆتایی دێت، لە بنەڕەتیشدا دابینکردنی غازی ئێرانیش بۆ بەغدا و ناوچەکانی ناوەڕاست وەستاوە و بەهۆیەوە 8 هەزار مێگاوات کەمبووەتەوە.

ئەوەی پێویستە بیزانیت: تائێستا وەزارەتی کارەبا هیچ ئاگادارییەکی لەلایەنی ئەمریکییەوە بۆ وەستاندنی هاوردەکردنی غازی ئێرانی پێنەگەیشتووە، ڕەنگە حکومەت هەوڵی بەدەستهێنانی لێخۆشبوونێکی نوێ بدات بۆ درێژکردنەوەی هاوردەکردنی غازی ئێران.