کۆبوونەوەی شاندی دەم پارتی و  عەبدوڵڵا ئۆجەلان کۆتایی هات

ئاڤا نیوز

بۆ جاری سێیەم کۆبوونەوەی شاندی ئیمرالی و  عەبدوڵڵا ئۆجەلان، ڕێبەری پارتی کرێکارانی کوردستان 'پەکەکە' کۆتایی هات، بڕیارە کاتژمێر پێنج پەیامێکی ئۆجەلان بڵاوبکرێتەوە. 

 

وێنە گەورەکە: ئەمڕۆ گرووپێکی حەوت کەسی دەم پارتی بۆ سێیەم جار سەردانی ئیمرالیان کرد و چاوپێکەوتنیان لەگەڵ ڕێبەری پارتی کرێکارانی کوردستان کرد و بڕیارە کاتژمێر پێنج پەیامە مێژووییەکەی بڵاوبکرێتەوە. 

 

ڕاگەیێنراوی فەرمی: شاندی دەم پارتی ڕایگەیاند: کۆتاییمان بە کۆبوونەوەمان هێناوە لەگەڵ ئۆجەلان، شاندەکە بەرە ڕاگەیاندنی پەیامەکە مێژووییەکە بەڕێکەوتوون. 

 

زانیاریی بەدەستهاتوو: بەشێک لە میدیاکانی تورکیا باس لەوە دەکەن، ئۆجەلان لەناوەڕۆکی پەیامەکەیدا داوای چەکدانان و هەڵوەشاندنەوەی حیزبەکەی دەکات، پەیامەکەی باس لە دامەزراندنی پارتی کرێکارانی کوردستان دەکات و باس لە داننان بە ناسنامەی کورد دەکات لە تورکیا.