قسە نەبیستراوەکانی زیلێنسکی لە کۆشکی سپی شۆکت دەکات

ئاڤا نیوز

بە پێی بڵاوکراوەکانی سۆشیال میدیای ڕۆژئاوا و ڕووسیا، ڤۆلۆدیمێر زیلێنسکی لە کاتی گفتووگۆکردن لەگەڵ دۆناڵد ترەمپ و جەی دی ڤانس وشەی "بێڕەوشتی گەمژە"ـی بەکارهێناوە، بەڵام تاوەکو ئێستا هیچ ڕوونکردنەوەیەک لەمبارەیەوە نەدراوە.

وێنە گەورەکە: لە پلاتفۆرمە جیاوازەکانی سۆشیال میدیا لە جیهان و بە تایبەت لە پلاتفۆرمی " ڤی کەی" کە زۆرترین بەکارهێنەری لە ڕووسیا  هەیە، دیمەنێکی ڤۆلۆدیمێر زیلێنسکی، سەرۆکی ئۆکراینا بڵاوکراوەتەوە کە بە دەنگێکی نزم دەستەواژەیەکی (ئۆکراینی-رووسی) لە کاتی قسەکانی جەی دی ڤانس، جێگری سەرۆکی ئەمریکا بەکاردەهێنێت کە واتایەکی خراپی هەیە و بووە بە باسی بەربڵاوی سۆشیال میدیای جیهان.

لێدوانی فەرمی: بەشێک لە وتەکانی ڤۆلۆدیمێر زیلێنسکی، سەرۆکی ئۆکراینا لە کۆبونەوەی کۆشکی سپی و بە پێی بڵاوکراوەکانی سۆشیال میدیای ڕۆژئاوا و ڕووسیا لە کاتی قسەکردنی جەی دی ڤانس بە دەنگێکی نزم دەڵێت، " сука блять" سوکە بلیات کە بە واتای " بێڕەوشتی گەمژە یان بێڕەوشتی هیچ" دێت، بەڵام تاوەکو ئێستا هیچ ڕوونکردنەوەیەکی فەرمی لەسەر ئەم هەڵوێستەی زیلێنسکی لە لایەن ئەمریکا و ئۆکرانیاوە ڕانەگەینراوە.

بەشێکی دیکەی قسەکانی زیلێنسکی ئەمانە بوون: 

-    تۆ بۆچی منت بانگهێشت کردووە بۆ ئێرە کاتێک بەم شێوەیە مامەڵە دەکەیت؟ 

-    ڕێگەم بدە قسە بکەم! بۆ ڕێگە نادەی قسە بکەم؟!

-    سوپاسی خوا بکەن جەنگ لە وڵاتەکەتاندا نیە تا هەست بکەن ئێمە بەچیدا تێدەپەڕین.

-    دەربارەی چی قسە دەکەیت؟ دەربارەی چی قسە دەکەیت؟

-    تۆ دەنگت بۆ ئەو سەرۆکە داوە کە تۆمەتباری دەکەیت.

-    بایدن سەرۆکی تۆش بووە.