وەزارەتی پەروەردە بڕیارێک لەبارەی دەوامی قوتابخانەکانەوە دەدات

ئاڤا نیوز

وەزارەتی پەروەردەی حکومەتی هەرێمی کوردستان، لەبارەی کاتی دەوام لە مانگی ڕەمەزاندا بڕیارێک دەدات.

لێدوانی فەرمی: سامان سیوەیلی، وتەبێژی وەزارەتی پەروەردە بە ئاڤا میدیای ڕاگەیاند:

- ڕۆژی 1-3-2025، بڕیاری کەمکردنەوەی پێنج خولەک لە هەر وانەیەک لە ناوەندەکانی خوێندندا درا.

- بڕیارەکە بەهۆی مانگی ڕەمەزانەوە دراوە، لە هەندێک خوێندنگە چوار یان پێنج یان شەش وانە دەخوێنێت، بڕیارەکە لە هەموو ناوەندەکانی خوێندن جێبەجێ دەکرێت.

بۆچی گرنگە: ساڵانە وەزارەتی پەروەردە بەهۆی مانگی ڕەمەزانەوە بڕیاری کەمکردنەوەی دەوام لە ناوەندەکانی خوێندن دەدات، ئەمەش بۆ لەبەرچاوگرتنی دۆخی مامۆستا و قوتابیانە لە مانگی ڕەمەزاندا.