تیمی هەژماری من لەڕێگەی ئاڤاوە وەڵامی خانەنشینانی سەربازی لە سلێمانی دەداتەوە

ئاڤا نیوز

 

چەند مانگێکە خانەنشینانی سەربازی لە سلێمانی فۆرمی 'هەژماری من'یان پڕکردووەتەوە بەڵام تاوەکو ئێستا کارتەکانیان بۆ نەگەڕاوەتەوە، تیمی هەژماری من لەمبارەیەوە دەڵێت، "چەند کارێک لەسەر کارتەکانیان ماوە تاوەکو تەواو بکرێت".

 

بابەتی سەرەکی: خانەنشینانی سەربازی لە سلێمانی، وەک خۆیان دەڵێن فۆرمی 'هەژماری من'یان لە مانگی 8ی ساڵی 2024   لە بانکی مەڵکەندی سلێمانی پڕکردووەتەوە، لەلایەن تیمی 'هەژماری من'ـیشەوە پێیان وتراوە پەیوەندیان پێوە دەکەن، بەڵام تائێستا پەیوەندیان نەکردووە. ئەو خانەنشینانە داوایان لە ئاڤا کرد بەدواداچوون بۆ بابەتەکەیان بکات.

 

زانیاریی تایبەت: تیمی هەژماری من بە ئاڤا میدیای ڕاگەیاند: کارتەکانی ئەو خانەنشینانە ئامادە نییە و کارکردنی تێدا ماوە، کە ئامادەبوو نامەیان بۆ دەنێرین تاوەکو بێن و کارتەکانیان ببەنەوە.

 

زانیاریی بەدەستهاتوو: بەگوێرەی دوایین داتا، 720 هەزار فەرمانبەر خۆیان لە هەژماری من تۆمار کردووە، بەڵام 370 هەزاریان کارتەکانیان وەرگرتووە.