دادگا پارێزگاری زیقار دەگەڕێنێتەوە سەر پۆستەکەی

ئاڤا نیوز

 

دادگای کارگێڕیی عێراق بڕیاریدا پارێزگاری زیقار بگەڕێنێتەوە سەر پۆستەکەی، دوای ئەوەی لەلایەن ئەنجوومەنی ئەو پارێزگایە لە پۆستەکەی دوورخرایەوە.

 

زانیاریی بەدەستهاتوو: دادگای کارگێڕیی عێراق بڕیاری ئەنجوومەنی پارێزگای زیقار، سەبارەت بە دوورخستنەوەی مورتەزا ئیبراهیمی، پارێزگاری زیقار ڕەتکردەوە و بڕیاریدا بگەڕێنرێتەوە سەر پۆستەکەی.

 

زانیاریی زیاتر: لە 14ـی 1ـی 2025، ئەنجوومەنی پارێزگای زیقار بە زۆرینەی دەنگ مورتەزا ئیبراهیمی بە تۆمەتی پێشێلکاری و سەرپێچیی دارایی و کارگێڕی  لە پۆستی پارێزگار دوورخستەوە.

 

ئەوەی پێویستە بیزانیت: مورتەزا ئیبراهیمی سەر بە ڕەوتی "حیکمەی نیشتمانی"ـە بە سەرۆکایەتی عەمار حەکیم، فراکسیۆنی ڕەوتەکە کە بەشێکە لە هاوپەیمانیی چوارچێوەی هەماهەنگی، لە ناکۆکیدایە لەگەڵ بەشێکی دیکەی هاوپەیمانییەکە لە ئەنجوومەنی ئەو پارێزگایە.