بەهای دۆلار زیاتر دابەزی و ئاڤا هۆکارەکەی بڵاودەکاتەوە

ئاڤا نیوز

ماوەی چوار ڕۆژ دەبێت بەهای دیناری عێراقی بەرامبەر دۆلار بەرز بووەتەوە، دوای نیوەڕۆی ئەمڕۆ یەکشەممەش، بەهای 100 دۆلار تا 146 هەزار و 350 دینار هاتووە.

وێنە گەورەکە: ماوەی شەش مانگ دەبێت بەهای دیناری عێراقی بەرامبەر دۆلاری ئەمریکی جێگیر بوو، بەڵام چەند ڕۆژێک دەبێت بەهای دینار بەرزبووەتەوە و دۆلار دابەزیووە.

 

لێدوانی فەرمی: د.مستەفا مەلا حەسەن، یەکێک لە پێشکەشکارانی بەرنامەی زەنگی بازاڕ کە بەرنامەیەکی ئابووریە لە ئاڤا میدیا هۆکاری بەرزبوونەوەی بەهای دۆلار بۆ ئەم خاڵانە دەگەڕێنێتەوە.
- کەمبوونەوەی ترسی سزاکانی ئەمریکا بۆ بەشێک لە بانکەکانی عێراق.
- دوای تەواوبوونی سەری ساڵ، بەشێکی کۆمپانیا و بانکەکان کە بەر لە سەری ساڵ کاشیان ھەڵگرتبوو و مامەڵەکانیان سستکردبوویەوە بەھۆی پاکتاوی سالڵانە. ئێستا پارەی کاشەکە دەگەرێننەوە بازار.
- نزیکبوونەوە لە دەستپێکردنەوەی ھەناردەی نەوتی کوردستان و ھاتنی دۆلاری زیادە لەرێگەی ھەناردەکردنەوەی نەوت.

 

لەلایەکی دیکەوە: غازی جەعفەر، لە بازاڕی ئەنجوومەنی دۆلارەکەی هەولێر بە ئاڤا میدیای وت، ئەم چەند ڕۆژە خواست لەسەر کڕینی دۆلار کەمبووەتەوە، لەبەرامبەردا خستنەڕووی دۆلار زیادی کردووە. ئێمە لە بازاڕی دۆلارەکەی هەولێر ئەوە بە هۆکار دەزانین.