ئێران دانووستان لەگەڵ ئەمریکا ڕەت دەکاتەوە

ئاڤا نیوز 

مەسعود پزشکیان، سەرۆککۆماری دەڵێت، وەکو چۆن خامنەیی فەرمانیداوە دانووستان لەگەڵ ئەمریکا ڕەتدەکەینەوە و هیچ گفتوگۆیەکمان لەگەڵیان نابێت. 

وێنە گەورەکە: چەندین ساڵە هەواڵی دانووستانی نێوان ئەمریکا و ئێران بەردەوام چاوی میدیاکارانی لەسەرە و بەڵام زۆرینەی کات هەوڵەکان بێ ئەنجام دەمێننەوە، لە کۆتا لێدوانی سەرۆککۆماری ئێرانیشدا دانووستان لەگەڵ ئەمریکا ڕەتدەکاتەوە. 

 

ڕاگەیێنراوی فەرمی: لەدواین لێدوانی کۆبوونەوەی مەسعود پزیشکیان لە پەرلەمانی ئێران ڕایدەگەیەنێت، ئێمە لەگەڵ ئەمریکا ناچینە دانووستانەوە و تەنانەت هیچ گفتوگۆیەکیش پەسند ناکەین لەگەڵ ئەو وڵاتە. 

زانیاریی زیاتر: کۆتا کۆبوونەوەی پەرلەمانی ئێران لەسەر لێپرسینەوە بوو لەگەڵ وەزیری دارایی ئەو وڵاتە و پزیشکیان هۆکاری سەرهەڵدانی کێشە ئابوورییەکانی خستە سەرشانی ئەمریکا بەوە بەردەوام گەمارۆی ئابووری تووندی خستووەتە سەر وڵاتەکەیان.