لووتکەی ئۆکراینا بە بەشداری وڵاتانی ئەوروپا بەڕێوەدەچێت

ئاڤا نیوز

ئەمڕۆ یەکشەممە لە لەندەنی پایتەختی بەریتانیا، لوتکەی سەرەکی تایبەت بە ململانێی ئۆکراینا بە بەشداری دەیان سەرکردەی ئەوروپا و ڤۆلۆدیمیر زێلێنسکی سەرۆکی ئۆکراینا دەستیپێکرد.

وێنە گەورەکە: دوای شەڕە قسەکەی دۆناڵد ترەمپ سەرۆکی ئەمریکا و جێگرەکەی لەگەڵ ڤۆلۆدیمیر زێلێنسکی سەرۆکی ئۆکراینا لە کۆشکی سپی، لوتکەی سەرەکی تایبەت بە ململانێی ئۆکراینا بەڕیوەچوو و لە میانی لوتکەکەدا وڵاتانی ئەوروپا پاڵپشتی خۆیان بۆ ئۆکراینا دژ بە ڕووسیا دووپاتکردەوە.

لێدوانی فەرمی: کیێر ستارمەر، سەرۆکوەزیرانی بەریتانیا ڕایگەیاند، ساتێکی مێژووییە بۆ میوانداریکردنی لوتکەیەکی لەمجۆرە بۆ ئاسایشی ئەوروپا و هەموومان پێویستە هەنگاو بنێن.

ئاماژەی بەوەشکرد، هیوادارن بزانن تا ئەو کاتەی کە پێویستە هەموویان لەگەڵ گەلی ئۆکراینان و پێویستە ڕێکبکەون کە چ هەنگاوێک لەم کۆبوونەوەیە دەردەچێت بۆ گەیاندنی ئاشتی لە ڕێگەی هێزەوە بۆ بەرژەوەندی هەموویان.

ئەوەی پێویستە بیزانیت: ڕۆژی هەینی زێلێنسکی لەگەڵ دۆناڵد ترەمپ سەرۆکی ئەمریکا لە کۆشکی سپی کۆبوونەوە، و سەرۆکی ئەمریکا ڕەخنەی ئەوەی لە سەرۆکی ئۆکراینا کرد کە ئاشتی ناوێت و وڵاتەکەی دەکاتە وێرانە، ئەمەش بووە هۆی ناکۆکی و لەبەردەمی میدیاکاندا شەڕە قسە لەنێوان دۆناڵد ترەمپ سەرۆکی ئەمریکا و جێگرەکەی لەگەڵ ڤۆلۆدیمیر زێلێنسکی سەرۆکی ئۆکراینا ڕوویدا.

 

 

باکگراوند: لە 24ـی مانگی شوباتی 2022 ڕووسیا هێرشی کردە سەر ئۆکراینا و تائێستا شەڕ لە نێوان ئەو دوو وڵاتە بەردەوامە و بە هەزاران سەرباز و هاوڵاتی هەردوو وڵاتەکە گیانیان لەدەستداوە و برینداربوون.