ترەمپ پەیامێک بۆ زێلێنسکی دەنێرێت

ئاڤا نیوز

 

دۆناڵد ترەمپ سەرۆکی ئەمریکا تەواوی هاوکارییە سەربازییەکان بۆ ئۆکراینا ڕادەگرێت و داوا دەکات زێلێنسکی ڕازی بێت لەسەر پڕۆسەی ئاشتەوای. 

وێنە گەورەکە: گرژییەکەی نێوان هەردوو سەرۆکی ئەمریکا و ئۆکراینا هەفتەی ڕابردوو لە کۆشکی سپی بە ئامادەبوونی جێگری ترەمپیش بووەتە بابەتی جیهان، ئێستا بە بڕیارێکی ترەمپ هاوکاریی سەربازی بۆ کێیڤ ڕاگیرا و پێداچوونەوە بە هەنگاوەکانی ڕێککەوتنی ئاشتی دەکرێت.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، زێلێنسکی دەتوانێت بگەڕێتەوە هەر کاتێک کە ئامادەبێت بۆ ڕێککەوتنی ئاشتی.

 

لەلایەکی دیکەوە:  جەی دی ڤانس، جێگری ترەمپ ئاماژەیی بەوەکرد، زێلینسکی بەڕوونی نیشانیدا کە ئامادە نییە بەشداربێت لە بەدیهێنانی پرۆسەی ئاشتی 

 

کاریگەریی و لێکەوتەکان: بەرپرسێکی کۆشكی سپی وتی، ئەمریکا پیشتووانی سەربازی بۆ ئۆکراینا ڕاگرت دووپاتیدەکاتەوە کە ڕێککەوتنی کانزا باشترین بژاردەیە بۆ بەدیهێنانی ئاشتی. 

 

باکگراوند: جەنگی سێ ساڵەی نێوان ڕووسیا و ئۆکراینا نیگەرانی زۆری بەدوای خۆیدا هێناوە بەتایبەت لەگەڵ دەستبەکاربوونی دۆناڵد ترەمپ، ناکۆکییەکانی ئەمریکا لەلایەک و ئەوروپا و ئۆکراینا لەلایەکی دیکە لەسەر چۆنێتی کۆتاییهێنان بە جەنگی نێوان هەردوو وڵات هێشتا چارەسەر نەکراون و نەگەیشتوونەتە خاڵی ڕێککەوتن