سەرۆکوەزیرانی ئۆکراینا: ئەمریکا هاوبەشێكی سەرەکی ئێمەیە

ئاڤا نیوز

دوای گژییەکەی نێوان هەردوو سەرۆکی ئەمریکا و ئۆکراینا، سەرۆکوەزیرانی ئۆکراینا ئامادەیی وڵاتەکەی دەردەبڕێت بۆ ئەنجامدانی گرێبەستی کانزاکان لەگەڵ ئەمریکا و بەهاوبەشێکی سەرەکی ئۆکراینا دادەنێت.

 

لێدوانی فەرمی: دینیس شمیگال، سەرۆکوەزیرانی ئۆکراینا ڕایگەیاند، هەموو شتێک دەکەین بۆ ئەوەی خۆمان ڕابگرین سەرەڕای بڕیاری دۆناڵد ترەمپ بۆ ڕاگرتنی هاوکارییە سەربازییەکانی ئەمریکا بۆ ئۆکراینا. 

-لە درێژەیی قسەکانیدا ئاماژەیی بە ئامادەبوونی ئۆکراینا کرد  لە هەر کاتێکدا ڕێککەوتنی کانزاکان لەگەڵ ئەمریکا واژۆ بکات.

ئەمەش بزانە: بەهۆی دەمەقاڵییەکی نێوان ترەمپ و زیلینسکی ڕێککەوتنی گرێبەست سەبارەت بە کانزاکانی ئۆکراینا واژۆ نەکرا. 

لەلایەکی دیکەوە: ئۆکراینا لەگەڵ ئەوروپا لەسەر هێڵە بۆ ئەوەی دووبارە لەگەڵ ترەمپ کۆببنەوە و چارەسەری کێشەکان بکەن