تێچووی دەرهێنانی مۆڵەتی شۆفێری 103 هەزار دینار کەم دەکرێتەوە

ئاڤا نیوز

 

وەزارەتی ناوخۆی حکومەتی هەرێمی کوردستان لە دوو نووسراودا چەند بڕیارێک بۆ نووسینگەکانی دەرهێنانی مۆڵەتی شۆفێری دەردەکات، یەکێک لە بڕیارەکان کەمکردنەوەی تێچووی دەرهێنانی مۆڵەتی شۆفێرییە.

 

نووسراوی فەرمی: دوو نووسراوی وەزارەتی ناوخۆی هەرێمی کوردستان دەست ئاڤا میدیا کەوتوون، لە یەکێکیاندا هاتووە، هەر وانەیەکی تیۆری کە 45 خولەکە بڕی هەزار سێ دینار وەردەگیرێت و بۆ هەر وانەیەکی پراکتیکی کە یەک کاتژمێرە 20 هەزار دینار وەردەگیرێت.

 

ئەوەی پێویستە بیزانیت: پێشتر لە بەرامبەر کۆی وانەکانی دەرهێنانی مۆڵەتی شۆفێری لە نووسینگەکان بڕی 405 هەزار دینار لە هاووڵاتییان وەردەگیرا، بەڵام لەمەودووا بڕی 303 هەزار دینار وەردەگیرێت.

 

لەلایەکی دیکەوە: بەپێی نووسراوەکەی دیکەی وەزارەتی ناوخۆ، کرێی وتنەوەی وانە بە مامۆستایانی مۆڵەتی شۆفێری لە 7 هەزار دینارەوە بۆ 5 هەزار دینار کەم دەکرێتەوە.

 

زانیاریی زیاتر: پێشتر بڕی 210 هەزار دینار لەو کەسانە وەردەگیرا کە دەیانەویست وەک ڕاهێنەری دەرهێنانی مۆڵەتی شۆفێری وانە بڵێنەوە، بەڵام ئێستا پارەکە کەمکراوەتەوە بۆ 150 هەزار دینار

 

ئەمەش بزانە: وەک لە نووسراوەکاندا ئاماژەی پێکراوە، سەرجەم نووسینگەکانی فێرکردنی شۆفێری دەبێت پابەندی ئەم بڕیارە بن و لەلایەن هۆبەکان و بەشی بەدواداچوونی هاتووچۆی هەرێمی کورستان چاودێری جێبەجێکردنی بڕیارەکان دەکرێت.