کەجەکە: پەکەکە هەڵناوەشێتەوە بەڵکو تەنیا گۆڕانکاری بەسەردا دێت

ئاڤا نیوز

ئەندامێکی کارگێری کەجەکە بانگەوازەکەی عەبدوڵڵا ئۆجەلان، ڕێبەری زیندانیکراوی پەکەکە بە هەنگاونان بەرەو ئاشتی و دیموکراسی ناودەنێت و دەڵێت:" هەڵوەشاندنەوەی پەکەکە بە مانای لەناوچوونی نییە، بەڵکو پەکەکە گۆڕانکاری بەسەر دا دێت و دەچێتە نێو قۆناغێ ڕووبەڕووبوونەوەی سیاسی نوێ". 

وێنە گەورەکە: هەفتەی ڕابردوو پەیامی ئۆجەلان، ڕێبەری زیندانیکراوی پەکەکە لە لایەن ئەندامانی شاندی ئیمرالی خوێنرایەوە، کە داوای کرد پەکەکە چەک دابنێت و جۆی هەڵبوەشێنێتەوە، ڕۆژێک دوای ئەوە پەکەکە لە ڕاگەیێنراویکدا پێشنیازەکەی قبووڵ کرد و ئاگربەستی ڕاگەیاند. ئەم پەیامە لێکدانەوەی جیاوازی بە دوا داهات.

لێدوانی فەرمی: لە چاوپێکەوتنێکی تەلەڤزیۆنیدا موسەتەفا کەرەسو گوتی: پەکەکە بۆ ماوەی 40 ساڵە شەڕ دەکات و لەو ماوەیەدا زۆر دەستکەوتی نەتەوەیی هەبووە،  لەبەر ئەوەی وشەی هەڵوەشاندنەوە تەنیا وشەیەکی ڕەمزیی و تاڵە، پەکەکە بۆ مانەوەی کورد و مێژووی کورد و کوردستان زۆر گرنگە،  پەکەکە واتا مانەوەی کورد، هەر بۆیە پەکەکە دەمێنێت، بەڵام گۆڕانکاری بەسەردا دێت و دەچێتە نێو قۆناغی ڕووبەڕووبوونەوەی سیاسی نوێ و کاریگەری و قورسایی خۆی لە قۆناغی نوێی سیاسەتی ناوچەکەدا دەبێت.

زانیاریی زیاتر: ئەو ئەندامەی کەجەکە جەختی کردەوە لەوەی ئەوان بڕوایان بە ڕێبەرەکەیان هەیە، بڕوایان بە بڕیارەکانی ئەو هەیە و متمانەشیان بە پشتیوانی گەل هەیە.