ئاڤا بۆ یەکەمجار ڤیدیۆیەکی سەرۆک بارزانی و  نەوشیروان مستەفا و مەسرور بارزانی لە ڕاپەڕین بڵاو دەکاتەوە

ئاڤا میدیا

ئاڤا میدیا بۆ یەکەمجار ڤیدیۆیەکی سەرۆک بارزانی و  نەوشیروان مستەفا و مەسرور بارزانی بڵاو دەکاتەوە، کە لەنێو جەماوەری راپەڕیوی رانیە لە ساڵی 1991 پلانی رزگارکردنی هەموو کوردستان دادەڕێژن.

 

چیرۆکی سەرەکی: 34 ساڵ بەسەر ڕاپەڕینی مەزنی گەلی کوردستان دژی ڕژێمی بەعس تێدەپەڕێت. پریشکی یەکەمی ڕاپەڕین لە شاری ڕانیە دەستی پێکرد و دواتر هەموو باشووری کوردستانی گرتەوە.

ڤیدیۆی تایبەت: ئاڤا میدیا ڤیدیۆیەکی ئەرشیفی سەرەتای دەستپێکردنی ڕاپەڕینی دەستکەوتووە، تێیدا دەردەکەوێت هەریەک لە سەرۆک مەسعود بارزانی بە یاوەری نەوشیروان مستەفا و مەسرور بارزانی سەردانی ماڵی ئەنوەر بەگی بێتواتە و کوڕەکانی دەکەن، لەوێ لەنێو جۆش و خرۆشی خەڵکی ڕاپەڕیوی شاری ڕانیەدا سەرۆک بارزانی وتارێکی مێژوویی پێشکەشی خەڵکی راپەڕیو دەکات. لەگەڵ نەوشیروان مستەفا و مەسرور بارزانیشدا پلانی ڕزگارکردنی شار و شارۆچکەکانی تری کوردستان دادەڕێژن.