حەماس وەڵامی هۆشداری و هەڕەشەکەی ترەمپ دەداتەوە

ئاڤا نیوز

 

دوای ئەوەی سەرۆکی ئەمریکا هەڕەشەی لە بزووتنەوەی حەماس کرد کە بارمتەکان ئازاد بکات ئەگەر نا ئەمە دەبێتە کۆتایی ئەوان، حەماسیش وەڵامی ئەم هەڕەشەی ترەمپ دەداتەوە و دەڵێت، هەڕەشەکەی ترەمپ وەک پشتگیرییەکە بۆ ئیسرائیل.

 

چی ڕوودەدات: دۆناڵد ترەمپ سەرۆکی ئەمریکا پەیامێکی تووندی ئاراستەی حەماس کرد و ڕاگەیاند، ئەمە دوایین هۆشدارییە بۆ ئەوان، پێویستە بارمتەکان ئازاد بکەن ئەگەر نا جەهەنەم دەستپێدەکات.

 

ڕاگەیێنراوی فەرمی: بزووتنەوەی حەماس وەڵامی دۆناڵد ترەمپ سەرۆکی ئەمریکا دەداتەوە و ڕایگەیاند،  پێنجشەممە هەڕەشەی دووبارەی ترەمپ لە دژی فەلەستینییەکان، پشتیووانی کردنە لە ئیسرائیل ئەمەش هەنگاوێکە کە ڕێککەوتنی ئاگربەست بەرەو دواوە دەبات، هاوکات ئیسرائیل بەمە [ هەڕەشەکەی ترەمپ] دەتوانێت گەمارۆ و برسیکردنی خەڵکی غەززە چرتڕبکاتەوە.

 

باکگراوند: لەگەڵ تەواوبوونی قۆناغی یەکەمی ئاگربەستی غەززە - ئیسرائیل کە لە 19-1-2025 کەوتە بواری جێبەجێکردنەوە، ئیسرائیل دەستی بە گەمارۆیەکانی کرد و ئەو هاوکارییە مرۆییانەی ڕەوانەی کەرتی غەززە دەکران ڕاگیران، تاوەکو ئێستا قۆناغی دووەمی ئاگربەست دەستیپێنەکردووە.