شاندێکی تەکنیکی بۆ مووچەی مانگی دوو لە بەغدایە

ئاڤا نیوز

 

شاندێکی تەکنیکی وەزارەتی دارایی و ئابووریی کوردستان بۆ مووچەی مانگی دوو لە بەغدایە و ئەمرۆ فایلی مووچەی مانگی دوو ڕادەستی تەیف سامی، وەزیری دارایی عێراق دەکرێت.

 

وێنە گەورەکە: شاندەکە پێکدێت لە ئەحمەد ئەکبەر، لە لیژنەی تەکنیکی ژمێرکاریی وەزارەتی دارایی، مریەم عوسمان، بەڕێوەبەری گشتیی خانەنشینی کوردستان، موفید سەباح لە لیژنەی تەکنیکی خانەنشینی گشتی، فارس عیسا، سەرۆکی نوێنەرایەتیی حکومەتی هەرێمی کوردستان.

 

زانیاریی زیاتر: ئاڤا زانیویەتی کۆبوونەوەکە لە کاتژمێر 11:30 دەستپێکردووە، شاندەکەی وەزارەتی دارایی وەڵامی سەرجەم پرسیار و سەرنجەکانی تەیف سامی، وەزیری دارایی عێراق دەدەنەوە، لە کۆبوونەوەکە بەڕێوەبەری گشتیی خانەنشینی عێراق بەشدار دەبێت و دواتر بڕیار لە ناردنی مووچەی مانگی دوو دەدرێت.

 

ئەوەی پێویستە بیزانیت: وەزارەتی دارایی عێراق تائێستا هیچ کێشەیەکی لەسەر نەناردنی مووچەی مانگی دوو  بۆ شاندی هەرێمی کوردستان دەستنیشان نەکردووە.

 

لەلایەکی دیکەوە: هاوکات محەممەد شیاع سوودانی، سەرۆکوەزیرانی عێراق بەڵێنی داوە کە ئەم هەفتەیە پارەی مووچەی مانگی دووی فەرمانبەرانی کوردستان بنێرن.