سەرۆکی پەرلەمانی ئێران: لێدوانەکانی ترەمپ فێڵە بۆ چەکداماڵینی ئێرانە

ئاڤا نیوز

 

محەممەد باقر قالیباف، سەرۆکی پەرلەمانی ئێران لەبارەی بانگەوازێکی دۆناڵد ترەمپ، سەرۆکی ئەمریکا دەڵێت، "تاران چاوەڕێی هیچ نامەیەک لە ئەمریکاوە ناکات".

 

چی ڕوودەدات: دۆناڵد ترەمپ، سەرۆکی ئەمریکا هەفتەی ڕابردوو ئاماژەی بە نامەیەک کرد کە بۆ ئێران ناردوویەتی سەبارەت بە پرس و ڕێککەوتنی ئەتۆمی، بەڵام ئێران بەهەموو شێوەیەک ڕەتیدەکاتەوە کە نامەیەکی لەمجۆرەی پێگەیشتبێت، هەڵوێستی وڵاتەکەش سەبارەت بەم پرسە دووپاتدەکاتەوە.

 

لێدوانی فەرمی: محەممەد باقر قالیباف سەرۆکی پەرلەمانی ئێران ڕایگەیاند، ئەم قسانەی ترەمپ تەنها ئامانجی لێی چەکداماڵینی ئێرانە، ئێمە چاوەڕێی هیچ نامەیەک لە ئەمریکاوە ناکەین.

 

زانیاریی زیاتر: "هیچ دانوستاندنێک لەژێر ڕۆشنایی هەڕەشە و سەپاندنی باجەوە ناکرێت و بەم جۆرە ناگەینە هیچ ئامانجێک". محەممەد باقر قالیباف وادەڵێت.

 

لەلایەکی دیکە: عەلی خامنەیی، ڕێبەری باڵای ئێران لەبارەی لێدوانەکانی ئەمریکا جەختی لە هەڵوێستی ڕوونی وڵاتەکەی کردەوە کە پێشنیازەکانی ئەمریکا قبووڵ ناکات.