فایلی خەڵک: چ فەرمانبەرێک لە دابەشكردنی زەوی سوودمەند نابێت؟

ئاڤا نیوز

 

قۆناغی سێیەمی دابەشکردنی زەوی فەرمانبەران دەستپێدەکات و هەزاران فەرمانبەر و خانەنشینی دیکە کە پێشتر زەوییان وەرنەگرتووە لەم قۆناغەدا سوودمەند دەبن و بەشێکی دیکەشیان هەر ناتوانن سوودمەند بن. 

 

چیرۆکی سەرەکی: بەشێک لەو فەرمانبەر و خانەنشینانەی تاوەکو ئێستا لە وەرگرتنی زەوی سوودمەند نەبوون لەم قۆناغەشدا هەر سوودمەند نابن، هاونیشتمانییان لەوبارەیەوە پرسیاریان بۆ ئاڤا ناردووە تاوەکو بەدواداچوونیان بۆ بکرێت.

 

- ئایا ئەو فەرمانبەرانەی پێشووتر زەوییان بە نیوەی نرخ لە حکومەت و شارەوانییەکان کڕیوە، سوودمەند دەبن لە پڕۆسەی دابەشکردنی زەوی یاخود نا؟

 

لێدوانی فەرمی: وەزارەتی شارەوانی لەوبارەیەوە ڕایگەیاند، هەر کەسێک زەوی یاخود شووقەی لە موزایەدەی ئاشکرادا کڕیبێت ئەوا بە سوودمەندبوو هەژمار دەکرێت و لە پرۆسەی وەرگرتنی زەوی سوودمەند نابن، چونکە هەر فەرمانبەرێک دەتوانێک یەکجار لەو پرۆسانە سوودمەند بێت.