کارگەیەک لە هەرێمی کوردستان دەرمان هەناردە دەکات

ئاڤا نیوز

وەزیری تەندروستیی عێراق و هەرێمی کوردستان کارگەیەکی نوێی بەرهەمهێنانی موغەزییان لە سلێمانی کردەوە، ئامانج لە کردنەوەی کارگەکە بەرهەمهێنانی زیاتری موغەزییە بۆ تەواوی هەرێمی کوردستان و عێراق.  

             
لێدوانی فەرمی: ئەم پڕۆژەیە یارمەتیدەرێکی بەهێزی بەرهەمی دەرمان و سەلامەتی دەرمان دەبێت لەسەرتاسەری عێراق ، لە داهاتوو دەتوانێت بەرهەمەکانی دەرمان هەناردەی دەرەوەی وڵات بکات. ساڵح حوسناوی، وەزیری تەندروستیی عێراق وای گوت. 

لەلایەکی دیکەوە: سامان بەرزنجی، وەزیری تەندروستیی حکومەتی هەرێمی کوردستان ڕایگەیاند: بەشداربووین لە کردنەوەی هێڵێکی نوێی بەرهەمهێنانی دەرمان، یەکەمینجارە  کارگەیەک لە هەرێمی کوردستان 17 جۆر گیراوەی موغەزی بەرهەم دەهێنێت. 

زانیاريی زیاتر: موغەزییەکان بە قەبارەی 100 ملیلیتر تاوەکو پێنج هەزار ملیلیتر دەبن، کارگەکە هەلی کار بۆ 400 کەس دەڕەخسێنێت. کۆی گشتی گرێبەستەکانی کارگەی پایۆنیر لە ساڵی 2022 نزیکەی 23 ملیار دینار بوو، بەڵام بۆ ساڵی 2023 بڕەکە بەرزبووەتەوە بۆ 86 ملیار دینار.

ئەوەی پێویستە بيزانیت:  کارگەکە توانای بەرهەمهێنانی لە 30 بۆ 65 ملیۆن بتڵ هەیە لە ساڵێکدا.