هەفتەی داهاتوو لیستی مووچەی مانگی سێ بۆ بەغدا دەنێردرێت

ئاڤا نیوز

وەزارەتی دارایی و ئابووریی حکومەتی هەرێمی کوردستان هەوڵەکانی بۆ ئامادەکردنی لیستی مووچەی مانگی سێ چڕکردووەتەوە، بۆ ئەوەی بەزوویی بۆ بەغدا بنێردرێت و تاوەکو جەژن بتوانرێت دوو مووچە بدرێن.

چیرۆکی سەرەکی: ڕۆژی 2025-03-12، بەغدا تەمویلی مووچەی مانگی دووی فەرمانبەرانی هەرێمی کوردستانی کرد و ئەمڕۆ دوەست بە دابەشکردنی کرا، هەمان ڕۆژ سەرۆکوەزیران مەسرور بارزانی لە کۆبوونەوەی ئەنجوومەنی وەزیران، سەرجەم وەزارەتەکانی ڕاسپارد بەپەلە لیستی مووچەی مانگی سێ ئامادە بکەن، بۆ ئەوەی بتوانرێت پێش جەژن مووچەیەکی دیکەش دابەش بکرێت. 

زانیاری تایبەت: سەرچاوەیەک لە وەزارەتی دارایی و ئابووریی حکومەتی هەرێمی کوردستان بە ئاڤا میدیای ڕاگەیاند:

٠ تاوەکو ئێستا هیچ وەزارەتێک لیستی خۆی بۆ نەناردووین.

٠ لە ڕۆژی یەکشەممە و دووشەممەی هەفتەی داهاتوو وەزارەتەکان لیستەکانمان بۆ دەنێرن، هەوڵ دەدەین ڕۆژی چوارشەممە 2025-03-19، لیستی مووچەی مانگی سێ ببەینە بەغدا.