سەرژمێريی گشتی لە عێراق و هەرێمی كوردستان دەكرێت

ئاڤا نیوز

وەزیری پلاندانانی عێراق ئامادەکاری کردووە لە مانگی ئایاری ئەمساڵ یەکەم سەرژمێری ئەزموونیی بە شێوەی تاقیکاری بكات، هاوکات لە ڕۆژی لە 20-11-2024، ئەمساڵ سەرژمێری گشتیی دانیشتووان لە عێراق و هەرێمی کوردستان دەكرێت.

بۆچی گرنگە: سەرژمێریی دانیشتووان گرنگییەکی تایبەتی خۆی دەبێت و لە بودجەی ساڵی 2024 پارەی تەواوەتی بۆ تەرخان دەکرێت، ئێستا بوودجه‌ی هه‌رێمی كوردستان لەسەر بنەمای ڕێژەی 12.67% لە کۆی گشتیی عێراق بودجه‌ی بۆ دیاریكراوه‌، پێشبینیده‌كرێت دوای سه‌رژمێریه‌كه‌ بڕی بودجه‌ی هه‌رێمی كوردستان بۆ 14%ی به‌رزبێته‌وه‌.

لێدوانی فەرمی: لە مانگی ئایاری ئەمساڵدا سەرژمێرییەکی ئەزموونی بەشێوەی تاقیکاری بكرێت و دواتر لە ڕۆژی 20ـی تشرینی دووەمی ئەمساڵدا سەرژمێری گشتی لە سەرتاسەری عێراق  بە هەرێمی کوردستانیشەوە دەكرێت. محەمەد عەلی تەمیم، وەزیری پلاندانانی عێراق وای گوت.

له‌لایه‌كی دیكه‌وه‌: سیروان محمه‌ممه‌د، بریکاری وەزارەتی پلاندانانی حکومەتی هەرێمی کوردستان لەدیوانی وەزارەت، سەرپەرشتی یەکەم کۆبونەوەی ژووری ئۆپەراسیۆنی سەرژمێری گشتیی دانیشتووانی لە هەرێمی کوردستان کرد، له‌باره‌ی چۆنیەتی ئامادەکردنی سەنتەری داتای سەرژمێری لە هەرێمی كوردستان هاوشێوەی سەنتەری عیراق. 

پێویستە سەرجەم پارێزگارەكان پێداویستیەكان ئامادە بكەن

بۆ ئەوەی پڕۆسەی سەرژمێری بەشێوەیەکی سەرکەوتوو بكرێت، وەزارەتی پلاندانان داوای لەسەرجەم پارێزگارەکانی عێراق کردووە پێداویستییەکانی بەڕێوەبەرایەتییەکانی سەرژمێری لە پارێزگاکان ئامادە بکەن.

ژمارەی دانیشتووانی هەرێمی كوردستان چەندە؟

 بەپێی خەمڵاندنی وەزارەتی پلاندانانی عێراق، هەرێمی کوردستان 14%ی دانیشتووانی عێراق پێکدەهێنێت، ژمارەی دانیشتووانی عێراق هەر بەپێی دوایین ئاماری وەزارەتەکە، گەیشتووەتە زیاتره‌ له‌ 43 ملیۆن و 324 كه‌س، به‌ رێژه‌ی 69.9% شارنشینن و رێژه‌ی 30.1% دانیشتووی گوند و دێهاته‌كانن.

 

سەرژمێرییەكە 21 ڕۆژ دەخایەنێت

بڕیاروایه‌ ئەمساڵ لە 20-11-2024 سەرژمێری گشتی دانیشتوان لەعێراق وهەرێمی کوردستان دەستپێبکات، تاوەکو 15ـ 12ـ2024 بەردەوام بێت.